36-Mavsum
1-toifali darama artisti АBDUKАRIMOV ZOKIR SHOKIR O'G'LI
Ushbu teatrda 2011 yildan buyon faoliyat yuritib kelmoqda.
Аbdukarimov Zokir. yosh, shijoatli aktyor. U mehnat faoliyatining ilk kunlaridan boshlab, teatr repertuaridagi spektakllarga jalb etildi va tez kunda mehnatsevarligi, oʼz ustida doimiy izlanishi, ijodiy izlanuvchanligi sababli yangi spektakllarda bosh rollar ijro etib, oʼz tomoshabinini topishga harakat qildi.
Yosh boʼlishiga qaramasdan tezda repertuardagi bir nechta rollarni maroq bilan ijro eta boshladi. U yaratgan obrazlardan “Nasriddinning yoshligi” spektaklidagi Vazir, “Bugunning shum bolasi” dagi Аyronchi, “Tobutdan tovush” dagi Yusuf, “Sadoqat” dagi Qosim, “Tomorqa voqeasi” dagi Ermat , “Jumboq”da Maktab oʼquvchisi , “Hind afsonasi”da Dev, kabi obrazlari teatr jamoatchiligi va tomoshabinlar eʼtiborini qozondi.
Аbdukarimoa Z. teatr jamoasining ijodiy safarlarida doimiy ravishda ishtirok etib, viloyat, tuman, qishloq aholisi bilan ijodiy uchrashuvlarda qatnashib kelmoqda.
Ustoz sanʼatkorlar koʼrsatmalari va nasixatlariga quloq solib oʼz ijodiy yutuqlariga erishib kelmoqda. Bilimi va salohiyati uning kelajakda bir nechta betakror obrazlar yaratishi va milliy teatrimiz rivojiga hissasini qoʼshishiga ishonch uygʼotadi.
Jamoat ishlaridagi faolligi va hamkasblarining hurmati teatr rahbariyati tomonidan bir necha marta eʼtirof etilgan. Jamoaning jonkuyar aʼzosi va mehnatkash artisti.
